Chapter 47

dinshi, Mikewa Hafeez yayi har lokacin idonshi nakan dattijon, waigowar da zaiyi idanuwansu suka sarkafu cikin na juna, nan take wani abu ya tsarga a jikin dattijon, bai dauke idonshi akan Hafeez ba ya karaso kusa dashi yace "your face looks familiar, wani level kake?, cikin girmamawa Hafeez yace "yau na fara zuwa, nazo registration ne, "Good, ya sunanka and wane course? dattijon ya tambaya har lokacin bai fasa kallon Hafeez yana nazarin inda yasanshi ba, "sunana Hafeez Adam, daga kaduna, computer science ne sir! kauda tunanin inda yasanshi yayi dan ya kasa tunowa, shi dai yasan yaron ya shiga ranshi daga ganin farko, kuma a dan fisge idonshi na yanayi da Jamal, kafadunshi ya dafa yace "All the best, Allah yasa ka fara a sa'a, Ameen.. Hafeez ya fadi ya bishi da kallo har ya fita daga office din.... Rashin nutsuwar da bai samu ba saboda registration shiyasa bai koma gurin directorn ba, saida yayi sati uku ya samu nutsuwa har ya fara shiga lectures, a sannan ne ya fara tunanin konawa gurin mutumin dan jin ko yana da wani dan uwa, kamannin sunyi matukar yawa, badan tsufa da haske ba, babu abinda zai hanashi cewa su ba yan biyu bane, saidai wannan ya fishi yarinta, da haske da kuma ilimi... Yana gama cin abinci a cafeteria ya wuce masallaci yayi sallah, yana idarwa ya kama hanyar Academic planing, meeting ya samu suna yi sai ya fita harabar gurin dan ya jirasu, saida yayi jiran awa 3 basu gama ba sannan ne ya hakura ya tafi gida, zuwa academic planing ya zamewa Hafeez kullum, wata rana har yaje sau biyu duk ba sa'a, ko ace suna meeting ko kuma ace yana office din VC.. Ranar friday karfe 11 suke da lectures din Maths method, tun tara na safe ya shiga school ya wuce office din, zama yayi a gurin yana jiran ganin ta inda zai bullo, daga can nesa ya hangoshi yana tafiya sauri sauri secretary dinshi yana binshi a baya da jaka, mikewa Hafeez yayi ya iso gurinshi ya tsugana ya gaishe shi, dafa kanshi yayi hade da mishi alama da ya dago, sannan ya amsa, yace "malam Hafeez har ka gama settling ko? Cike da mamakin rike sunanshi da yayi yace "eh ranka ya dade, kullum sai nazo bana cika samun ganinka, tafiya ya fara yi yace "Allah sarki, schedules din nawa ne are very tight, muje in baka card dina kazo gida ka sameni...... *Kaduna* Cikin ikon Allah Nadeeyah ta fara sabawa da yan ajinsu mata, bata saki jiki dasu a farko ba saboda gudun wulakancin masu kudi, da taga kowa na shige mata sai ta fara sakin jiki dasu musamman *Haifa* da *Amal* su biyun nan su suka zama kawayenta, tun da suka fahimci Sabrinah na jin haushin shigowar Nadeeyah cikinsu sai suka dauke Nadeeya a sit dinta suka maida ita gabansu, duk jan ajin Sabrinah saboda ganin tana da kyau ta saukeshi saboda ganin yanzu duk yan ajin sun raja'a akan Nadeeyah.... " *Badariyyah Kyari* sisternki tana da kyau sosai, Rukky Mama ta cabe da cewar bari kedai Aliya, in muna tsaye a assembly kallonta kawai nakeyi, na rasa cikin jinsin da ta fito, fatarta kadai abar kallo ce, uwa uba yatsun hannu, kamar sun sokawa Badariyya Mashi tayi saurin cewa "ba sister na bace dalla, she is an orphan, kawota gidanmu akayi dan ta dinga tayamu aiki, u knw Daddy is very generous, kawai yaga tunda mate dinmu ce why nt ya sata a school tunda dama ss3 zata, she is our helper kun gane ko!! Kallonta Rukky tayi tace "kaii amma tayi sa'a, ga kyau, gashi ta dace gidan ruko, wallahi in tana wucewa gaban staff room malamai har leke sukeyi, uncle Tahir ne kadai bai wannan saboda class dinshi, shi duk yadda ake koda sabrinah bata gabanshi, shiyasa wannan ma bata d'ad'ashi ba, gajiya Badar tayi da jin maganganu akan Nadeeyah tayi saurin mikewa ta wuce hade da ja musu tsaki... bayanta suka bi da sauri saboda duk yan koranta ne..... Tsaye yake gaban class yana kallonsu daya bayan daya, cikin harcen turanci yace "Ba tambayarku nakeyi ba, kun shirya ma presentation and drama?, groups biyu suka mike suka ce sun shirya, sauran kuwa sukayi kwala kwala da ido, group 3 and group 6 meye topics dinku, ya tambaya fuska a murtuke, "*PLAGIARISM* "Khalifa ya fadi hade da mika mishi printed papers din da suka hada, kallon dayan group din yayi yace and you? Cike da rawar jiki Sabrinah tace *DRAMA, FICTION AND IMITATION*, hannu ya mika ya karbi nasu takardar sannan ya kalli sauran yan class din yace "Kowa yasan dis is your first CA test, to yanzu saboda kun nuna you are not serious na maida shi first nd second and is over 40 no attendance marks, yana kaiwa nan yace duk class din su tafi school Hall su jirashi yazo su fara presenting, cike da tsoro sauran suka fara ihu suna fadin sorry sir, wasu a cikinsu kuma suka tafi cafe dan shirya nasu ko baiyi yawan na sauran ba.... Karfe goma daidai group 3 suka fara presenting nasu, cike da kwarewar turancinsu mai dadi na butters suka gabatar dashi, saida suka gama tsaff kowa ya tafa musu harda observers, Shirye shiryen na dramar group 6 suka fara, saida suka kammala komai sannan suka fara presenting, definition din drama sukayi sai dan short fiction story of Beggars da illolin da irin wulakancin da mabarata ke fuskanta, a karshen labarin ne suka ce "Yanzu zamu yi muku drama akan labarin da muka gabatar... Nan jikin Nadeeyah ya fara rawa saboda tsoron turancinta ba irin nasu bane, Sabrinah da Ishaq sune masu kudi, sai Nadeeyah, Haifa, da Abdulhameed sune maroka, Nadeeyah itace Makauniya tana rike da sanda, sai Haifah kurmah, Abdulhameed kuma gurgu, cike da burgewa suka fara dramar akan stage, da fari Nadeeya taji tsoro, sai da Haifa tayi mata wuzuwuzu ta tunasar da ita marks din da zasu samu sannan ta saki jikinta, da sanda take shafa kasa tana fadin "a taimaki almajira saboda Allah da Annabi, cikin harshen turanci take magana ta karasa daidai inda Sabrinah da Ishaq suke zaune kan dadduma suna shan fruits ta tsaya, "Hajiya a taimaka min da sadaka saboda Allah.. tsaki sabrinah tayi hade da daukar ayaba tace "Mabaratan nan sunyi yawa a kasar nan honey, kuma mostly hausawa, kallon Nadeeyah tayi hade da watsa mata bawon ayaba ta cigaba da cewa "ku ko kunya ma bakwaji, da wannan barar da kukeyi ba gara kuje ku zauna a gida ku jira ranar mutuwarku ba tunda baku da amfani, katseta Ishaq yayi yana murmushi ya daga malunmalun ya fito da dari biyar yace "sweetie, in ba irinsu ta yaya zamu samu kudin, Allah na bamu kudin ne dan ya turo su suzo su amsa, yana mika mata kudin Abdulhameed da Haifa suka fito daga mabanbantan guri suna kokawar kwacewa, ana haka har suka tura Nadeeyah jikin Sabrinah kamar yadda suka tsara a labarin, Sabrinah na ganin haka ta mike hade da manta drama sukeyi ta tura Nadeeyah da iya karfinta, ihu Nadeeya ta saki saboda kafarta daya ta sauka akan stage ta rinjayi dayar, ga tsakanin stage da kasa akwai yar tazara, runtse