Chapter 125

da tayi ne, ta dinga fankama nan da sati zaizo ya maida Mummy dakinta.... Gidan Anni suka yada zango nan suka ci suka sha sannan suka bararraje anata hira har bayan la'asar, Anni hana matan tafiya tayi tace saida mazan su tafi, haka kuwa akayi su Mami suka zauna a gidan suka raba dare suna hira ana fassarawa Anni da ummi.... Kuďi masu yawa Anty Reemah taba Mummy sannan ta je gidan Raliya tayi mata faďa sosai akan rashin taimakama su Mummy, a sannan ne Raliya take faďa mata Daddy ne ya hanata yace in tayi sai ya saba mata, dafe kai Reemah tayi tace "Daddy yayi fushi da yawa, wallahi ko maganar Mummy baya son ayi mishi, "Addu'a kawai zamu cigaba dayi danni ita kadai ke bani tausayi ba su Anty ba, dey deserve it... Raliya ta faďi rai a bace... sun dade suna hira suna nemawa mahaifiyarsu mafita.... Kwanansu Sheik Uku suka shirya komawa gida da yan uwa dan suje suga inda yake, kyautar ban girma yayi ma su Mummy wacce zata mantar dasu talauci na wucin gadi, tayi murna sosai da wannan kyauta dan saida tayi kamar zata mishi sujjada, har suka tafi baisan cewa Mummy matar Daddy bace, ya dauka kawai a gidan take zaune, ya dai san yayar su Papy ce.... *Cyprus...* Da yake mansion din Sheik yana da matukar girma hakan yasa ya kwashe dukkansu, harda Husna da suka taho da ita dan ta haihu, dadin duniya babu wanda bai jiyar dasu ba, duk companies dinshi saida ya nuna musu harda na wasu kasashen, Saboda murna ya cire wani babban companynshi dake Holland ya mallakawa Papy a matsayin gadon mahaifiyarshi, sannan ya bawa Hafeez wani abun shima, gaba ďaya ya kasa controlling kanshi akan zuri'ar yayarshi.... Kwanansu biyar a garin akayi ma Husna tiyata aka ciro mata baby girl saboda haihuwar tazo da Matsala, lokacin su Daddy sun koma Nigeria, murna a gurinsu ba'a magana saboda dama cikin na yawan bata wahala, Papy da kanshi ya shiryawa Mummy tafiya dan taje gurin yarta taga jikarta, Ita dai a kullum haushin kanta takeji na biyewa zuciya tayi wa Suwaiba abubuwa marasa dadi kafin mutuwarta, gashi yanzu danshin su take raba taji dadi, lallai da ta hana auren Hafeez da Husna da sai takaici ya kusa ajalinta, kullum bata da addu'ar da ta wuce Allah ya dawo da Nadeeya cikin koshin lafiya dan danta ya samu farin cikin rayuwa, a yanzu ko ita bata samu farin ciki ba 'yayanta su samu, ta fahimci farin cikinsu shine nata, ďan zaman da tayi da su Radiya ta fahimci cewa ba kowani ďa bane ke sadaukar da farin cikin sa akan iyayenshi, a nan ta koyi basu farin ciki, in ta gansu cikinsa tasan itama zata kasance a ciki... Ranar Suna Daddy ya sanya wa yar suna Suwaiba, sosai dangi suka nunawa yar gata dan ta samu kaya na gani na faďa, Mummy ta sake tsorata da ikon Allah da tazo taga daular duniyar da dangin Atika ke ciki, inama Suwaiba na raye tazo ta dandani arziki, wayyo, ita nata dadin a lahira ta ďeboshi..... Na fa lura da wani abu Anty, Raliya ta faďi tana sanyawa Nour ďiyar Husna pampers, "Me fa? Anty Reemah ta tambaya haďe da gyara zama, "Na kusa yin siriki, Raliya ta faďi tana murmushi.. "Wa kenan?? "Dadina dake ganewa Anty Raly, Husna ta faďi tana ajiye kofin shayi, ni ai tun tuni na sani, Jamal ya hanani faďi, "Kaii nifa ban gane ba, wai me kuke nufi? Anty Reemah ta tambaya cike da mamaki, "Y'ata ta wajenki tayi kasuwa, soyayya sukeyi da Jamal, Mikewa Anty Reemah tayi tace "to ai ba sai kun faďa min ba, kuma iyaye ne, in akwai alheri Allah ya tabbatar... Dariya sukayi haďe da tafawa suka ce Ameen Ameen, ashe zamu sha biki... Hinad da ta doso dakin ta juya da sauri ta nufi waje cike da murna, tasan tunda Anty Raly tasa baki Allah ya kusa cika mata burinta, soyayyar Jamal ta zame mata tamkar jini da hanta, bata jin akwai abin da zai cire mata sonshi cikin ranta, kamar shima yadda Jamal din keji game da ita saboda kyawawan dabi'unta, zuwanshi kasar yasake sanya shakuwa mai karfi a tsakaninsu, wacce har ta sa aka fara diga ayar tambaya akansu..... Zaune suke a katafaren parlon sama suna duba ayyukan da gwamnati tayi approving, Zanen da Hilal yayi wannan karan na musamman ne, cike da yabawa sheik ya kalli zanen karshe yace "Bravoo alaika ya Hilal, Allah ya albarkaci hannunka, yanzu kaga sai dai kawai mu fidda kudi a hau aiki, Murmushi Hilal yayi zaiyi magana Irfan ya faďo parlon babu ko sallama, kusa da Sheik yaje ya zauna haďe da faďin "Masa'ul khair Aby, kallonshi yayi sama da kasa yace "uhummm, kudin naka sun kare kenan, sosa keya yayi yana hararar Hilal yace "Eh, akwai wani business da nasa kudi na, inaso inyi clearing ne bani da cikon kudin, 20mill ne kawai, "I struggle to get 5 thousands aday nd u are calling 20mil only, it's well dear, zanyi maka addu'a Allah ya baka, Lokacin da na kiraka ina farin cikin ganin yan uwana kaima kazo su ganka kazo? Kayi ignoring dina so yanzu ni bani da abun yi maka, yana kaiwa nan ya kalli Hilal yace "My dear gobe ka sameni a office sai mu fara shirye shirye ko? Cike da girmamawa Hilal yace "Okay sir, Allah ya kaimu... A tare suka mike Sheik ya raka Hilal har kasa sannan ya wuce dakin da Husna take dan duba lafiyarsu... Rike gaban rigarshi yayi saboda jin shakun da akayi mishi ta baya, yana da tabbacin Irfan ne dan irin kamshin turarenshi ne ya cika gurin, ganin yana daďa tamke shakan yasa Hilal yanka rigarshi ta gaba saboda ta kama wuyanshi sosai, iya karfinshi ya sanya ya cire hannun Irfan haďe da hankaďa shi baya. Taba wuyanshi yayi yana tari kaďan, saurin rike hannunshi yayi dan kare kanshi murya a kausashe yace "Wai menene? Fisge hannun Irfan yayi ya nuna shi da yatsa.. warning mai karfi ya karta mishi na kar ya sake taka kafarshi cikin gidannan in ba haka ba wallahi sai yayi ajalinsa, Dariya Hilal yayi yana gyara singlet dinshi zaiyi magana yaji muryar Maleekah a bayanshi, "Hey akan ka yake? In yazo gidan nan gurinka yazo? Kayi aikin gabanka ka bar kowa yayi nashi tunda gidan ba naka bane kai kaďai! Cikin zafin nama ya shako wuyanta dama yana da cikinta na yadda yake ganin an barta tana facaka da kuďi ba tare da an sa mata ido ba, sakin keyn motarta tayi saboda azaba tasa hannu tana kakari, Hannu Hilal yasa ya banbareshi a jikinta haďe da shake mishi nashi wuyan da karfi, naushi mai karfi Irfan ya sakarwa Hilal a ciki da gwiwar hannunshi, da sauri ya sakeshi ya durkushe rike da cikin saboda azaba, gaba daya jikinshi ya dau rawa dan jin ciwon yake har tsakiyar kanshi, ihuu Maleekah ta saki tayo kanshi ta hankaďe Irfan dake kara tattaka cikin Hilal, girman gidan baisa kowa yaji ihun ba sai maigadi, lokacin da ya iso har Hilal ya gama fita hayyacinshi, cikin kuka tace ma mai gadin ya kira Abbu, a ruďe ya