Chapter 124

dake tsatstsafo mata akai tayi ta sake gyara zaman jakarta da ke kunshe da dubu uku kachal, samm bata san hawa adaidaita dan kar ta taba kudin da suka rage mata gaba da baya, auna tafiyar tayi taga cikin mintina talatin zai kaita gida... karya wata kwana ke da wuya taji an hankaďeta haďe da fisge jakar da tayi ma kyakykyawan riko, wani irin ihu ta saki haďe da bin yaron da gudu, inaaa gudun ba ďaya ba dan kafin kiftawar ido ta nemi yaron ta rasa, tsayawa tayi a bakin titi tana haki tana kokarin maida hawayen dake neman fitowa daga idonta, hijab din jikinta tasa ta share hawayenta haďe da juyawa zata cigaba da tafiya cike da tunanin halin da zata shiga na rashin kudin da take cancanawa.. "Mummy...., juyowa tayi da sauri dan kamar cikin mafarki ta jiyo muryar, *Ra'eess...* ta furta a hankali wanda ya sanya idonta bijire mata har saida hawaye suka zubo, balle motar yayi suka fito shi da kannenshi suka rungumeta, Uwa uwa ce, koda kuwa magajiya ce ta karuwai,, nan fa Radiya ta fashe da kuka haďe da daga autarta ta kankameta kamar zata maida ita ciki, Kafar Fatima ta hango cikin wani tsadajjen takalmi flat mai matukar kyau wanda ya dace da kafar da tasha jan lalle, dagowa tayi ta kalleta tana takowa cikin doguwar rigar atamfar bubu taji stone work tana nufo inda suke, fuskar nan tayi dau tayi kyau sosai, hannunta rike da ďaya daga cikin yan biyun da ta haifa cikin showel, "Ina wuni Anty, firgigit Radiya tayi dan bata san ta karaso inda take ba, "Lafiya lau.. kawai tace haďe da cigaba da hira da 'yayanta zuciyarta fal kishin Fatima.. "Teemah na zo mu tafi Hussain ya fara kuka, sai a lokacin ta kalli Shamsu dake tsaye jikin motar yayi fresh sosai shima rike da dayan jinjirin, Saurin kauda kanta tayi dan kar ya gano halin da take ciki, "Ammi in nuna ma Mummy, Ra'ees ya tambayi Fatima cike da girmamawa, "Yess my boy, bari in koma mota akwai rana, Anty sai anjima... bin bayanta kananan sukayi suna ďagawa uwarsu hannun... Mummy kingani abokin Abba ne ya bamu kudi da yawa, kina so? kallon motar tayi taga duk sun shige sun ďage tint glass tace "Kawo in boye maka, ina na kannenka?, "yana cikin mota, ya bawa Ammi da yawa itama, in ce ta baki? "A'a barshi, wannan ma boye maka zanyi karka faďa musu, hope kuna karatu ko? Kafin ya bata amsa Shamsu ya danna mishi horn, da gudu ya koma motar yana ďaga mata hannu, ta window suka turo kai suna mata bye bye, Duk yadda taso rike hawayenta yaki rikuwa neman dakali tayi ta zauna taci kuka ma'ishi ta kuma yi dana sani marar iyaka..... Yau ma teba Mummy? Ko kallon inda take bata yi ba karasa kwashe tebar cikin cooler, miyar ganyen da sukayi wacce bata samu arzikin nama ko kifi lando ba ta mayar kan gawayin da ta sauke tebar, na Goggo ta ďauka ta wuce mata dashi ďaki, Tari ta fara yi sosai cike da faďa tace "Wai har yanzu bazaki dawo hanya ba Goggo, kullum Allah na nuna miki abubuwan da kikeyi ba masu kyau bane ya cire hannunshi akanki sai cigaba kikeyi, da tsufanki kullum sai mugun abu kikeyi yana dada dawo mana, kai gaskiya da ana canza uwa da tuni na dade da canzaki wallahi, Ko ni da na faďa cikin wannan jarabawar nasani sarai hakki ne, hakkin Suwaiba da zuri'arta, na dade da mikawa Allah lamarina, nasan wata rana zaizo rescue dina, Maganin Goggo ta kuma zubawa cikin wutar tace "Tun kina karama nake shan bakar wahala dake, badan a gida na haifeki ba da zance daga tsatson Harďejo kika fito su suka canza min ke, in ke sakara ce to ni bazai yiwu in zama sakarai ba, ku uku ne a gidan nan dukkanku sakakku, mazajenku basu ko waiwayarku sannan kice in nemi guri in zauna, bana tunanin zan mutu nan kusa, nasani sai naga mutuwar zuri'ar Atika da tun shigowarta rayuwata ta tagayyara komai nawa... *MUSADDIQ...* jin Raudha tayi ihun sunan gudan jininta da ta shekara har da doriya bata sashi a ido ba yasata fasa bawa Goggo amsar da tayi niyya, da gudu ta fito waje har tana bugewa da kauren ďakin, tana shirin karasowa ta rungumeshi yayi saurin ja baya wanda hakan yayi daidai da shigowar su Baffa da Sheik, Share hawayen da zubo mata tayi ta wuce daki ta dauko hijab, ďakin Anni da ta bari Baffa ya shiga dasu, sam baiyi niyyar shigowa da Sheik gidan ba, dan dai Papy ya matsa ne, Shigowa Mummy tayi da sallama hannunta dauke da tray din pure water, Papy, Papa da Sheik ne kaďai suka amsa sallamarta, da ido Papy yabi Musaddiq yana ta kokarin su haďa ido, kamar ance ya ďago suka haďa ya sakar mishi lafiyayyar harara, Kauda kanshi yayi ya sake tamke fuska ciki ciki yace "Ina wuni, kallon shi kadai tayi ta maida dubanta gurin Sheik wanda tsufa bai hanata ganin Atika cikin fuskarshi ba, "Ateek right? Cike da murna Papy yace "shine, ashe kin sanshi, hawayen daya zubo mata ta share tace "Na fi kowa mu'amala da yayarshi, lokacin inada karancin shekaru dan zan girme mishi da shekara biyu ko uku, kullum sai ta ambaci sunanshi fin sau goma a rana, duk wanda ya santa a cikin yaran gidan Harďejo yasan Ateek, dan labari nashi take bayarwa Maryam din Harďejo ko mai babban suna su dinga yi mana fassara, Kuka sosai ta fashe dashi na tuno ukubar da mahaifiyarta ta bawa Atika wanda bata da bakin faďawa wani.. Share hawaye Papy yayi yana matukar jin kewar rashin ganinta bawai dan ya rasa uwa a gurin Anni ba, shima Sheik kukan ya keyi bayan an fassara mishi abun da tace.... Dakyar Goggo ta iya shigowa dakin, a tsay tsaye ta gaisa dasu ta fita saboda rashin son ganin fuskar Sheik, duk ta kalleshi sai gabanta ya faďi... Hira sosai sukayi da Mummy, Papy da Sheik, Papy yaso Daddy ya shigo yaga sauyin da matarshi tayi, haka nan yaji ya kasa tsanarta duk ko irin abun da akace tayi, bayan fitarta ne ya kewa Musaddiq faďa sosai akan Muhimmancinta duk ko irin laifin da tayi mishi, ko gezau Musaddiq baiyi ba dan zuciyarshi ta kangare sosai bayajin akwai abinda zai sauya shi daga dawo ma mahaifiyarshi yanda yake da... Zubo teban Raudha tayi ta zauna a bakin kofa tana ci saboda tsabar yunwar da takeji, Hilal da ya shigo gidan bayan ya gama order abincin da zasu ci da kuma masaukin da Sheik zai sauka ya kureta da ido, Karyewa Zuciyarshi tayi yaji abun na yawo a cikin jininshi, blood is thicker than water, lallai bature yayi gaskiya, Bai bari ta ganshi ba ya fita ya je wani store dake kusa dasu ya lodo kayan abinci masu yawa har saida kuďin dake hannunshi suka kare, yana zuwa kofar gidan yaga Rilwanu, kiranshi yayi yasashi ya shiga da kayan yace ya faďa musu inji Daddy, Basu bama har Papy saida yayi murna sosai ya kuma sake zage damtsen yin addu'a har sai Allah ya daidaita su, Ita kuwa Goggo cewa tayi hayakin