Chapter 128

sama da su Raudha, wani aiki suke ma Hinad, Musaddiq na ďaki tun dazu yake jiranka, Hanyar saman ya nufa da sauri cike da farin ciki, yasan zaman su Mummy a parlon ne ya hanashi zama ayi hira dashi... "Hey Mr Soft, kana ina ne? Kafin Musaddiq ya bashi amsa ya karaso balcony din inda Musaddiq ke tsaye yana duban sararin samaniya, Jingina yayi jikin karfen yanda zasu fuskanci juna, "how r u Kyari? Gyaďa kai Musaddiq yayi fuskarshi dauke da Murmushin da yafi kama da na ciwo, ganin Hilal ne ya sanya zuciyarshi karyewa har murmushin ya fito, A ko da yaushe in ya kasance shi kaďai yana jin sam rayuwarshi bata da amfani, Ya kasa daukar hakurin mantawa da ita, ita din mace ce da take da wuyar mantawa, rayuwa yinta kawai saboda mahaifinshi da kuma Hilal, amma yasan tabbas zuciyarshi na gab da bugawa dan ya kasa yin rayuwa mai dadi babu ita... Gyara tsayuwa Hilal yayi cike da damuwar yanayin da yake mishi ciwo a duk lokacin da suka haďu da Musaddiq, kafaďunshi ya dafa can cikin zuciyarshi yace "Nasan yadda kake ji, naji makamancin hakan, saidai nawa mai sauki ne dan nesa nesa nayi da ita, shakuwar mu bata kai ta ma'auratan da sukayi wa juna dandani haukaci ba... Amma a fili zancen Maleekah yayi mishi dan ya mantar dashi damuwa, labarinta ya dinga bashi ya kuma bashi labarin irin karamcin mahaifinta, "Inaa kayan mu, zamu kafa tarihi, dan nasan sai munyi faďa da Maleekah akan kayan da zan sa, dazu take faďa min tayi ordern kayan da zamu sa, muje inga yanayin dinki... Dakin suka koma Musaddiq na yaba tsarin dinkin da akayi musu, Hilal yayi matukar farin cikin ganin kayan dan daga shaddar har dinki sunci kudinsu, ga wasu huluna masu matukar kyau kalar aikin kayan, baje kayan sukayi suka cigaba da hira cike da debewa juna kewa..... A katafaren masallacin gidan sheik aka daura auren, farin cikin da wannan zuri'a take ciki a wannan ranar ba mai misaltuwa bane, musamman Papa da Anty Reemah wacce saida tayi kukan farin ciki, 'yayanta Allah ya aurar mata dasu rana ďaya kuma cikin irin wannan zuri'a, ita kuwa me zata cema Allah banda godiya, yanzu Zainab ce kaďai a gabanta wacce take da burin faranta mata ta jiyar da ita dadin duniya.... Biki ne akayi shi mai kayatarwa dan an ci an sha kamar baza'a mutu ba, sai kusan uku suka shirya tafiya reception, yadda Hilal yayi zaton Maleekah sai ta bashi mamaki dan itama wani lace tasa wanda Anty Reemah tasa aka dinko mata, riga da skirt ne Ash yasha duwatsu, sunyi matukar kyau, hakan da sukayi yazo da sabon salo, hotunansu suka dinga yawo a kafafen sadarwa na kasa da duniya baki ďaya, wanda ma basu taba tunani ba yaga hoton, domin babu inda hotunansu bai zaga ba, Balarabiya da bahaushe cikin shiga ta hausawa, A wannan daren boyayyen ruhi na nesa yayi kukan farin ciki da kuma na kewar makusanta, hoton zamewa yayi tamkar wani kwai domin ya sanya ma'abocin kallonshi cikin shaukin son kasancewa da yan uwa.......... *6 years later* *Cambridge Montessori Elementary School.* The final round is here, *Expression words* we have only three players left, 1 *Naurah Josephine* 2 *Mukhtar Hilal M Kyari* 3 *Victoria vertran* Nan fa filin ya sake barkewa da ihu, kowa na kiran sunan dan uwanshi.... Naurah ce farko, tayi matukar kokarinta sai a wasu guraren ta kakare, Sai Mukhtar, kafin ya fara saida ya kalli inda wani mai irin kayanshi yake, kyakyawan mutum wanda hutu ya ratsa shi sosai, Nuni yayi mishi da addu'a da hannu sannan ya sumbaci hannun ya hura mishi iska, Lumshe ido Junior yayi ya rungume hannunshi haďe da jero adduoin da ya iya wanda ake koyar dashi a gida duk dare, *Suratul nasr* ya karanta karshe dan ya riga ya saba duk in zai zauna a aji sai ya karanta ta, Bayan gaisuwar da ya gabatar cikin kwarewa sannan ya rufe da godiya haďe da kambama makarantarsu, sannan ya rufe da wata siga ta marasa jin magana haďe da buga kwallon da ta gangaro gurin kafarshi, bayan ya gama ya rufe da wata godiyar ya jero sunayenshi kamar haka.. Yours most lovely one *HABIBI MUKHTAR HILAL MUSADDIQ KYARI* A.K.A *MHK TAHEER*..... ya karashe yana juya rigarshi baya dan kowa ga sunan karshe, Da sauri Taheer ya iso inda yake ya dagashi sama, duk wanda ya gansu yasan uba da ďa ne saboda ba kaya ba hatta glass din su irin daya ne....... tafin hannu da ihu kadai ke tashi a gurin..... Nan dayan yaron yazo ya gabatar da nashi shima, bayan sun gama aka basu kyaututtuka sosai dukkansu su ukun, kowa cikinsu cikin farin ciki yake domin anyi making day dinsu...... yara na san irin ranar nan musamman a makaranta...... ***** *Queens University, Faculty of Law Ontario* Yan mata ne biyu a tsaye cikin shiga mafi kyau da tsari wacce sai mai tsananin kamun kai ke yinta cikin university din.. Farar ciki sosai sanye take da koriyar riga wacce takai mata har kasa, kasan rigar ta baya a tsage yake saboda ta dan tsuke, jan sandals din kafarta mai tsini sosai ya kara mata tsayi wanda ya sake kayata dirin jikinta da hutu ya ratsa ko ina, daga sama kuma ta yane kanta da jan mayafi ďan karami wanda ya fitar da kwantaccen gashinta har gadon baya, gucci glass din dake makale a kan fuskarta shi ya sake fitar da natural kyan fuskarta wanda sam babu kwalliya a kanta, gyara rigar Barristers din dake hannunta tayi ta duba bakin agogon hannunta, Budurwar dake tsaye a gefenta wacce itama irin shigarta ce saidai colour da ya banbanta sannan ita babu rigar a hannunta tace "It's late, Aman is useless wallahi, batayi magana ba sai juyar da kanta gefe da tayi domin hango M.I Saleem da tayi, Muje Amal, mu koma office, dariya Amal tayi tace "Kinsan dai ko office din VC kika je sai ya biki, gara kawai ki tsaya, tsaki taja haďe da sake kiran Aman a karo na babu adadi, jin wayar ta shiga ya sata murna ta fara tafiyarta mai daukar hankali, "Haba Uncle Aman, ya zakayi mana haka? Mik'a yayi haďe da hamma cikin muryar bacci yace "Anty Mamma wallahi bacci nakeyi ma, banajin dadi, Uncle T ya tafi dauko Junior yace in bari zai biyo ya daukeku.. "Subhallah, sorry Uncle, kasha magani? "Eh shiyasa ma na samu na kwanta, ya faďi yana mikewa.. "Allah ya baka lafiya, ta mayar mishi cikin tausawa "Ameen sai kun dawo!!!.. Assalam Nadeeyah.. "Wa alaika salam M.I ya kake? Gyara tsayuwa yayi cike da jin dadi yace "Lafiya kalau, yanzu nabar office din director, vector yace min kina waje, Fisabilillah kin kyauta kenan, wayarki sam bata shiga, gashi bansan inda kuke ba, jiya na dawo daga Nigeria, "Ayya sorry Muhammad Ishaq, wayar ta ce ta lalece, ya ka baro Nigeria? Amal ta tambayeshi tana karasowa gurin... Lfy kalau Amal, amma da sai ta kirani, kin san yadda na damu kuwa, dakyar na iya kaiwa wannan lokacin, na kusa mutuwa fa, "Thank Goodness baka mutu ba, Nadeeyah ta faďi tana dariya, kuma gashi har wata yar kiba kayi Barr.. M.I, "kasan