Chapter 110

ya ganmu, tafiya ya fara yi yace "in an ganmu ai da matata aka ganni, ni bacci nakeji, muje ki tayani, Sun kusa step din karshe Mummy ta fito daga ďakin da ta kwana, kokarin sauka Nadeeyah tayi ya sake riketa yana dariya, "Wai kunyar ki take ji! runtse ido Nadeeyah tayi tace "Dan Allah ka saukeni, a hankali ya sauketa yace "Good morning maa, Cike da danniyar maida danta bawa da taga Nadeeyah tayi tace "morning my dear, "Ina kwana Mummy, Nadeeyah ta faďi bayan ta tsuguna kasa, "lafiya kalau Nadeeyah, ya gajiyarki, "babu gajiya Mummy, ga breakfast can ko nan zan hawo miki dashi, "a'a barshi a can, zan fi jin dadin karin a can, Gefe suka matsa dan bata guri, ta wuce tana tunanin ta inda zata sake bullo musu, ya zame mata dole tayi abun da zatayi yau zuwa gobe dan jibi zata wuce...... Ranar throughout Nadeeyah bata basu wata kofar da zasuyi complain ba, kome zatayi a tsantsane take yinshi saboda bata san abin da zai kara sanya mijinta cikin bacin rai, duk yadda Faida taso provoking dinta taki yarda ta kulata dan bata da lokacinta, Cikin dare suka tashi suka shirya kulle kullensu, sannan daga can wani bangaren da basu masaniya ana taimaka wa aikinsu..... *(Kana Bacci ana maka nasari)* Mrs Tijjani Shattima..... [22/04 8:08 PM] Aysha Ya'u Kura: •• *ZUMUNCINMU A YAU* •• 6⃣2⃣ By *Aysha Ya'u kurah* Kamar kullum yau ma tun uku saura ta farka dan yin sallar Nafila, wata iriyar kasala ce ta sauko mata wacce ta hanata barin kan gadon, zaune tayi tana gyangyadi har huďu ta gota, da ta gaji da gyangyaďin sai ta ja pillow ta kwanta riris, bacci mai nauyi yayi gaba da ita... A kunnenta aka sallame sallah a masallacin kusa dasu, mikewa tayi jiki ba kwari ta nufi bayi dan yin alwala, sai da tayi minti goma akan toilet tana bacci sannan ta buďe ido da kyar tayi tsarki ta mike ta kunna pampo tayi alwala kamar me tsoron taba ruwan, koda ta fito daga bayin zama tayi a kan kujera tana tuno mafarkin da tayi wanda ya kashe mata jiki matuka, mafarkin ya taba ta sosai dan a iya saninta mafarkin dariya bai taba zama alkhairi ga mai yinshi, bare ita da taga dukkan wadanda suke nuna mata kiyayya kewaye da ita suna kuka ita kuma tana tsakiya tana kyakyata musu dariya mai sauti harda kaiwa kasa, gefe kuma Musaddiq na zaune shima dariyar yakeyi yana kurbar juice, dariyar da sukayi a cikin mafarkin kamar wadanda aka saukar musu da wahayin yinta, haka kukan da su Mummy keyi kamar wadanda suka rasa wani sashi na jikinsu, Anty Reemah, Hilal, Hafeez da Husnah kuwa suna tsaye rai a bace suna masifa kamar zasu ari baki, shigowar Daddy da Papy shi ya farkar da ita... Tunda ya farka ya lura da yanayinta, bai kulata ba ya nufi bayi yayi alwala dan yaga garin har ya fara haske, a yadda ya barta haka ya sameta, wannan karan idonta a rufe yake wani baccin take son sake yi, gyara hannun jallabiyarshi yayi ya zauna a gefenta haďe da taba kanta, a hankali ta buďe ido ta kalleshi, "Har ka idar da sallah? Kwantar da kanta yayi kan kafaďunshi yace "yanzu zanyi, shine baki tashe ni ba ko? Cikin magagi tace "Nima banyi sallah ba, bacci ya hana ni, zaunar da ita yayi sosai yace "whatt, ba dai bacci ba, sai dai shaiďan, tashi maza muyi sallah, Mikewa tayi jiki ba kwari tabi bayanshi sukayi Sallar, suna idar da sallar taji duk wani baccin da takeji ya tafi, sai dai kasalar da ta kasa barinta, Bayan ta gaisheshi ta fita dan zuwa kitchen haďa ma Mummy break fast, karar tv da taji shi ya bata tabbacin akwai mutane a parlon, a nutse ta karasa saukowa ta nufi parlon dan duk tunaninta Mummy ce ko Anty Radiya, turuss... tayi tana kallon Faidah wacce ke kwance daga ita sai mini skirt da wata yar riga wacce iyakarta cibi, kwanciyar da tayi bai boye komai na surar jikinta ba, kirjinta kuwa ya bulluko kamar zai faso rigar kayan kirjin su fito, Saman ta kalla taga ko Musaddiq ya biyota, ganin baya gurin yasata saurin karasawa gurin Faidah rai a bace, gaba daya tsoron da takeji nata ta nemeshi ta rasa, "Baiwar Allah, gidan nan ba na mata bane zallah akwai maza, dan Allah ki tashi ki canzo kaya, Mikewa Faidah tayi tana murmushi tace "Ba matsala bane dan ya ganni a haka, musulunci ma ya yarda in kana neman auren mace ta bayyana maka surar jikinta kafin ka aureta, karki damu dani je kiyi cookun ki, Ran Nadeeyah in yayi dubu to duka sun baci, baki yin kanshi yakeyi, bata san lokacin da bakinta ya furta cewar "Ke bakiyi kama da tsarin matan mijina zai ruďe akan surarsu ba, bance shi nawa bane ni kadai, amma fa ki sani ko zaiyi wani auren sai dai ya nemo wacce ta fini ba wai ya koma baya ya dauko wacce bata kaini ba... "Ahayyyyyeee..... Faidah ta faďi tana tafa hannu, wacce ta fiki me? kyau? Kudi? Asali ko me? Ko dayake banda lokacinki, nasan a cikin abun da kike takama dashi nafiki su 99%, Asali shi kadai zaka fini ka cuceni, Faďa min menene asalinki? Waye mahaifinki wanda ya kamata ya zamto ado a gareki? Waya sani ma ko irin yan fashin shanun nan ne aka buďe musu wuta suka arto nigeria neman maf--- Zazzafan Mari Nadeeyah ta sauke a fuskar Faidah wanda saida ta dauki lokaci mai tsawo tana tattaro confidence dinta kafin ta iya aiwatar dashi, sauke marin yayi daidai da sakkowar Mummy daga sama... "Kaii kaii, me nake gani haka? Mari fa? Mummy ta faďi tana karasowa har tana missing steps kafarta na gurďewa, ko kallonta Nadeeyah batayi ba dan a lokacin ji takeyi kamar ana hura wuta a cikin zuciyarta, Kuka Faida ta fashe dashi ta rungume Mummy wacce ta rufe mata jiki da hijab din da ta sakko dashi, "Subhanallahi.. Nadeeyah me yayi zafi haka harda mari, in baki dubi cewa ba sa'arki bace ai kya duba cewa ita bakuwarki ce, "Bakuwarku dai Nadeeyah ta faďi cikin ficewar hayyaci, ranta yayi matukar baci, ba'a taba aibata mahaifinta har haka ba, abun ya haďe mata biyu ne, ga kishi ga tabo iyaye, mai hankali ne kadai yasan halin da zuciyarta ke ciki a wannan lokacin, Sakin baki Mummy tayi tace "Ni kike fadama bakar magana, gefenta tabi ta haye sama ba tare da ta kulata ba zuciyarta na tafasa, ta gaji da zaman nan na kaskanci da takeyi, badan tana jin soyayyar Musaddiq har cikin jininta ba wallahi da babu abinda zai hana ta tattara kayanta ta gudu ta bar musu gidan, to bazata iya rabuwa dashi ko na second ba dan tayi matukar sabawa dashi, ta dai ďauki alwashin kwatar ma kanta yanci gurin duk masu neman muzanta ta, dakinsu ta shiga ta sameshi yana baccinshi hankali kwance, key tasawa ďakin ta karaso kusa dashi ta cire hijab dinta ta shige cikin jikinshi taja musu bargon, rungumeta yayi sosai yace "Har kin gama? a shagwabe tace "um um, bacci nakeji, in na tashi zanyi, bai damu ba dan