Chapter 93

a hankali take cewa. "Ina kake? Me sunanka? Meyasa ka taimakane duk da ban sankaba baka sanniba? wani hali kake ciki? Me sukayi maka? Kana ina?." sai kuma ta kife kanta tare da sa kuka mai cike da rauni. *Mumbai* Yau tun safe su Hayatuddeen suke asibitin kasancewar yaune ranar da zasu gana da manya manyan likitotin guda hud'u da sukazo musamman dominsu. Alhamdulillah ƙarfe biyu dai- dai suka samu ganawa da Saifuddeen, sunyi masa duk wani abun daya dace, sosai suka bincikesa suka kuma bashi duk wani iya taimakon da zasu iya, wanda kuma suke sa ran In sha Allah watara komai zai dai-dai-ta. Bayan wata ɗaya. Alhamdulillah acikin waƴannan kwanakin da suka gabata abubuwa da yawa sun faru ciki harda zuwan Mudassir, wanda ya shaidawa Ahmad kasuwarsu na buk'atarshi dan haka in jikin Saifuddeen da sauk'i to yayi k'ok'arin dawowa 9j. kana sosai Saifuddeen ke samun sauƙin. Zuwa yanzu yakan iya juyawa da kansa ya kwanta ta ɓangaren damansa, in yana rigingine kuma yana iya juyawa hagunshi, sannan yana ɗan iya motsa wasu gaɓɓai dake jikinsa, kuma acikin kwanakin da suka gabata ne. Dr Akash prasat da Dr Malik khan sukazo har Mumbai ɗin suka duba jikinsa,yayinda agefe kuwa yake samun kyakkyawar kulawa daga wajen Dr Anan mehta da kuma Dr Mahesh khurana da kuma sauran nurses ɗin, sosai yakejin dadin zamansa a asbitin don suna ba sa kulawa ta musamman sosai yake jin canji a jikinshi, duk da cewa jinya yake amma hakan baisanya kyawunsa gushewa ba, saima wani hasken fata da ya ƙara sabida tsananin hutu da kula da zama wuri mai kyau da ya samu, yayinda wani irin kekyawan saje yasamu mazauni akan kyakkyawar fuskarsa, zaman sajen akan fuskarsa ba ƙaramin ƙarawa fuskarsa kyau yayi ba, domin duk kyan namiji in dai fuskarsa ba saje tofa tsirara take bata da sutura. Ganin jikin nasa da sauƙi yasanya Dr Adnan da Ahmad suka shirya akan zasu dawo gida Nigeria. Yau da ƙarfe uku na yamma jirginsu zai tashi hakan yasanya tun safe suka kammala shirya kayansu tsab inda zasu bar Hayatuddeen, dan kuwa zuwa yanzu jikin Saifuddeen sai dai ace Alhamdulillah. Hayatuddeen ne yaturo ƙofar ɗakin ya shigo hannunsa ɗauke da wasu manya manyan leda guda biyu, wanda jikinsu ke ɗauke da tambarin *Inorbit mall malad west Mumbai* kasancewar nan yaje yayi musu sayayyan ƴan abubuwan buƙatansu dangin kayan sawa da duk wasu abubuwan da baza'a rasa ba shida Saifuddeen. Aje ledodin yayi akan gado yana me duban Dr Adnan da Ahmad wanda yake ƙoƙarin zuge jakan kayansa. Murya asanyaye yace. "Ya Adnan lokacin tashin naku yakusa ko?". Murmushi Dr Adnan yayi tare da dafa shoulder ɗinsa cikin kulawa yace. "Badai kuka zakamana ba". Ɗan murmushi yayi tare da son maida hawayenshi tare da cewa "Sai kace ɗan ƙaramin yaro, kawai dai zanyi missing d'inku". Dariya Ahmad da Adnan sukayi Ahmad ne yace. "Ehem dakai ɗin babbane? sakalallen Ummi kawai! Ba gashi har idonka ya ciko da ruwan hawaye ba". Dariya sukayi su dukansu kana suka nufi hanyar fita. Hayatuddeen ne ya riƙewa Dr Adnan jakansa, kana suka fice daga cikin ɗakin hotel ɗin. Kaitsaye asibiti suka nufa don yin sallama da Saifuddeen. Kamar koda yaushe kwance yake akan gadonsa yayinda kyawawan idanunsa ke rufe, ahankali Dr Adnan ya turo ƙofar ɗakin ya shigo kana su Ahmad suka biyo bayanshi, Jikin gadon ya ƙarasa tare da sanya hannunsa yaɗan taɓa Saifuddeen. Ahankali ya ware idanunsa wanda samansu ke ɗauke da zara-zaran eye lashes da suka matuƙar ƙarawa fuskarsa kyau, ganin Dr Adnan ya sanyashi sakin tattausan murmushi, shima Dr Adnan ɗin murmushi yayi tare da cewa. "Zamu wuce Saifuddeen lokacin tashin jirginmu yakusa." Sai kuma ya d'an kalli sajenshi kana yaci gaba da cewa. "Allah Ubangiji ya ƙara maka lafiya! Yasa nanda wata d'aya ka mik'e tsaye da k'afafunka". still murmushi Saifuddeen yayi tare da jinjina kansa kana yayi masa alamar godiya. Kallonsa ya maida kan Ahmad tare da miƙo masa hannu, hannunsa Ahmad ya kama idanunsa cike tab da ƙwallan tausayin abokinsa kuma d'an uwansa, ganin hawaye kwance a idanun Ahmad yasanya Saifuddeen girgiza kansa alaman kada ya bari hawayen idanunsa su zubo, da sauri Ahmad ya shanye hawayensa tare da juyawa da sauri yafita daga cikin ɗakin don bayajin zai iya jure tsayuwa agaban Saifuddeen batare daya zubda hawayensa ba. Cikin dakiya Dr Adnan yayiwa Saifuddeen bankwana don shima hawayenne cike a idanunsa kawai dai shanyewa yake dan kada ya raunata zuciyar Hayatuddeen. Tare da Hayatuddeen d'in suka fito kuma shi ya rakasu har airport saida yaga tashinsu sannan yadawo asibitin domin zuwa yanzu Hayatuddeen ya zama ɗan gari a india. Nigeria k'asarmu ta gado. Su Dr Adnan sun dawo gida cikin halin ƙoshin lafiya yayinda dawowarsu ya ɗan sanyaya zuƙatan masoyan Saifuddeen kasancewar sunji kyakkyawan labari daga garesu, inda hankalin Ummi ya ɗan daɗa kwanciya musamman da Dr Adnan da Ahmad suka shaida mata cewa ayanzu Saifuddeen har ɗan iya motsa jikinsa ya keyi, sannan kuma sauƙi yana samuwa sosai, inda kuma suka shaida musu cewa sun bar asibitin dake new delhi sun koma wanda ke garin Mumbai. Adda Rahama kuwa ganin mijinta da jin labarin jikin ɗan uwanta yasanya hankalinta ya ƙara kwanciya don dama takusa shiga watan haihuwarta gab take da fita a wata na takwas. Daren randa suka dawo bayan Ahmad ya gama kontarwa Ummi hankalin ganin dare ya tsala ne ya mik'e tare da kallon Raliya cikin sanyi da begen matarsa wata uku har an shiga na hud'u kenanfa. "Tashi muje ki hada min ruwan wonka." yace da ita, kai ta rausayar tare da mik'ewa tabi bayanshi dan tabbas ta hango wutar begenta da sha'awarta a idanunshi. Suna shiga bedroom nata yasa hannu ya jawota suka fad'a kan gado blanket ya jawo ya rufesu tare da cewa. "Hak'uri nafa ya k'are ina gab da macewa in ban samu d'umin jikinki ba." ido ta lumshe tare da shigewa jikinshi. Hakama Ya Adnan sam ya kasa d'agawa Adda Rahma k'afa duk da tsohon cikinta. Sati ɗaya da dawowan su Dr Adnan Ummi da Ishaq da kuma mahaifiyar Ishaq ɗin suka shirya tsab don zuwa India, wata ranan Asabar da sanyin safiya jirginsu ya ɗaga zuwa India. India. Hayatuddeen ne zaune akusa da gadon Hamma Saifuddeen d'inshi wayarsa dake cikin aljihun wandonsa tasoma ƙara, ciro wayar yayi tare da duba sunan me ƙira "Zakari". shine sunan dake yawo akan screen ɗin wayar, murmushi yayi dan tuno kullum sai Zakariyya yayi ta musu fasifar su dena yanke mishi suna suna medashi sunan wani abu da ban dariya yayi tare da amsa ƙiran kana ya kara akan kunnensa tare da cewa. "Zakari namu ina kake ne?." Zakariyya dake jingine da jikin motar Zaliha yanajin Hayatuddeen ya ɗaga wayan yaja tsaki tare da cewa. "Yana cikin wondonka banzaye kawai, masu mgnar banza." dariya sosai Hayatuddeen yayi kana yace. "Yi hak'uri Ya'u namu." tsakiya ya kuma ja kana yace. "Gwara dai ba indiye ya akayi ne? Don katashi daga ba gombe ka koma ba indiye mai katon z!". Dariya Hayatuddeen yayi tare da ɗan gyara zamansa kana yace. "Amma Zakariyya baka da mutumci. To Oho dai koma dai menene ina lafiya". Dariya Zakariyya yayi tare da cewa. "Masha Allah to yajikin Hamma Saifuddeen Ina fatan da