Chapter 143

ruwan mamaki, in -dai-da-raina da lafiyata bazan taɓa bari ƴata Zaleeha dana haifa acikina ta auri wannan shashashan nakasashshen ba, bazan taɓa bari wannan banzan auren da suke shirin ƙullawa ya tabbata ba, Ni nan nayi al'ƙawari ƴata Zaleeha ba zata taɓa auren MUSAKI ba!!.". Murya akausashe Mama taƙare maganan domin kuwa ji take kamar zatayi aman wuta don bala'i, alwashi ne bazata taɓa bari Zaleeha ta auri Matsiyacin gurgu kuma mayataccen kurma ba, tayi al'ƙawarin saita tashi hankalin kowa dake gidan, sannan kuma sai takau da duk wani zaman lafiya dake cikin gidan matuƙar akaƙi bin zaɓinta. Cikin jin daɗin kalaman Mama Balkeesu ta saki wani ɓoyayyen killer smile, tabbas so take Mama ta jajirce wajen ganin Zaleeha bata auri Nagartaccen Namiji kamar Saifuddeen ba, tasan cewa Saifuddeen nakasashshene, amma sam ita bata hango nakasartasa, don kuwa babu wata nakasa da ta nuna ajikinsa, hasalima ita bata taɓa ganin wani nagartaccen Namiji kamar Saifuddeen ɗin ba, tahango abubuwa da yawa dangane da Saifuddeen ɗin wanda maza da yawa basu dashi, irin Saifuddeen sune mazan da suka fi ƙaranci aduniya, haka kuma irin sa mata da yawa ke fata da burin samu matsayin abokin rayuwa. Kullum haushinta d'aya kada Zaleeha ta rigata aure, kuma kada ta fita samun miji na nunawa sa'a shiyasa ta dage ta raba Manager da son Zaleeha tana ta son cusa kanta gareshi, dan Raveel dai ya nuna mata baya tare da ita, A wani sashi na ranta kuwa dadi takeji dan in zaliha ta auri nakasasshe ta samu abin nunawa mutane tawayarsa. Miƙewa tsaye tayi yayinda ta nufi ɗakin Zaleeha. Zaleeha kuwa tana shiga cikin ɗakinta, kai tsaye kan lallausan gadonta ta faɗa, cikin tsananin baƙin ciki da takaici haɗi da tsanar Saifuddeen tashiga rera kuka, tayaya zai fuskanci cewa ta tsanesa? mai yasa bazai gane irin tarin tsanar da tayi masa ba ya rabu da ita? meyasa shi baida zuciya? ta tsanesa tsana irin ta wuce misali, sam batason duk wani abu da ya shafesa, ganin fuskarsa na sawa tanajin kamar takashe kanta, meyasa har yanzu kowa ya kasa fahimtar irin raɗaɗi da kuma zafin da takeji? meyasa kowa yakasa sanin zafin ƙiyayya irin wanda takeji, mutum ɗaya takeso aduniya shi ɗaya za kuma taci gaba da so, har iya ƙarshen rayuwarta, batajin zata so wani koda kuwa kwatan kwacin rabin yanda takeson wanda yakasance mai taimako agareta, abu ɗaya tasani shine, ko duka mutanen duniya zasu taru suyi mata kallon mahaukaciya akan son da takeyi masa to bazata taɓa fasawa ba, koda kowa zai yi mata kallon shashasha, tayarda zata amince za kuma ta jure matuƙar akan soyyayarsa ne, tariga tasa aranta cewa komai wahala komai daɗi, komai kusa komai nesa zata bada kai da ƙarfinta wajen zaman jiransa, sau dayawa zuciyarta na gaya mata cewa watarana zaizo gareta, ta kuma aminta da hakan, saboda haka tasa aranta cewa, har abada bazata taɓa daina so da ƙaunarsa ba. Balkeesu ce ta turo ƙofar ɗakin ta shigo, ganin Zaleeha kwance na kuka, yasanyata taɓe baki, cikin ranta tace. "Bakiyi komai bama Zaleeha, sai alokacin da idanunki suka buɗe ki ka gane cewa kinrasa nagartaccen namiji kamarsa, daga wannan lokacin zakiyi kuka irin wanda ake ƙiransa da sunan kuka bawannan sharan fage ba, wanda ni kuwa dama hakan shine burina." Afili kuwa ƙarasawa gaban gadon tayi tare da zama abaki bakin gadon, cikin son zuga tasanya hannu ta dafa kafaɗan Zaleeahan, cikin ƙoƙarin ɓoye manufarta tace. "Kuka baya maganin damuwa Zaleeha, sam kuka bai kamaceki ba ba kuka yakamata ace kinyi ba." Afusace Zaleeha ta tashi zaune, fuska caɓa-caɓa da hawaye tace. "Bakuka yakamata nayi ba? dariya kenan kikeso nayi mai gado? okay nagane saboda ke bakisan zafin ƙiyayya dana soyayya ba ko shiyasa zakice haka, da ace kinsan yanda nakejin zafi a zuciyata wallahi da ke ce zaki fara cewa naƙara sautin kukana tayanda gaba ɗaya Nigeria zasu jiyoni bama iyaka Gombe kaɗai ba, Natsaneshi Mai gado, Natsaneshi, banason koda ganin fuskarsa, aurensa dai-dai yake da tarwatsewan zuciya da rayuwata gaba ɗaya, da ace na buɗi idona naganni matsayin matarsa gwara ace na wayi gari bana numfashi.!" Wani irin ƙatuwar ajiyar zuciya Balkeesu ta sauƙe, tabbas haƙanta gaf yake da cimma ruwa, saidai kuma har yanzu bata hango irin zazzafar tsanar da takeson Zaleeha tayiwa Saifuddeen ba, haƙiƙa komai na Zaleeha na bayyanar da tsanar Saifuddeen saidai ita har yanzu akwai abun da bata gamsu dashi ba. Cikin yin ƙasa da murya tace. "Bance kiyi dariya ba Zaleeha, ni ƙawarkice maison duk wani abun da kikeso, saboda haka burina shine ki samu wanda kikeso, kishare hawayenki Zaleeha, saikin cire tsoro haɗi da kunya kin fuskanci kowa sannanne zaki samu cikar burinki, saikin dage kin kuma ɗaga hankalin kowa dake gidannan, sannan zasu fuskanci cewa babu soyayyar Saifuddeen aranki." Ɗago jajayen idanunta wanda suke cike da ƙwalla tayi ta kalli Balkeesu, murmushi Balkeesu tayi tare da dafa shoulder ɗinta, cikin son tarwatsa nutsuwar Zaleehan tace. "Nasan kin fahimci abunda nake nufi, dole ne ki tashi tsaye wajen ganin kin samawa kanki ƴanci, wani irin kallo kike tunanin mutane zasuyi miki aduk sanda sukaji cewa da kyawunki da komai kin kashe ƙuruciyarki wajen auren nakasashshe? ki dubeki Zaleeha, kyau, ilimi, diri, hutu, wayewa, aji, sanin darajar kai, duk fa kin mallakesu, babu wani ɗa namiji da zaki gifta ta gaban idanunsa matuƙar ya amsa sunansa namiji ace baiji komai game da ke ba, sam bakiyi kama da matar nakasashshe ba, zama da nakasashshe kuwa agareki tamkar tarwatsa rayuwarki ne!." Ɗan tsagaitawa da maganan tayi tare da miƙewa tsaye, duban Zaleeha tayi da kyau, tare da sakin wani ɗan guntun murmushi, ahankali tashiga takawa harta ƙarasa jikin ƙofar fita daga ɗakin, juyowa tayi still fake smile ne ɗauke akan fuskarta, cikin son tausasa zance tace. "Nabarki lafiya ƙawata, ina fata zakiyi tunani me kyau akan maganata, idan kuma kin amince nakasashshen kurma yazamanto ango agareki am fine, mudai always zamu tayaki murna." Tana kaiwa nan azancennata ta murɗa handle ɗin ƙofar ta fice, tana sakin wani dariya mai ɗauke da tsananin mugunta. Lumshe idanu Zaleeha tayi saiga wasu sabin hawaye shaaaa sun kwaranyo daga cikin idanunta, wani zafi-zafi ɗaci-ɗaci haka takeji acikin maƙoshinta, cikin ɗaya daga cikin trow pillows ɗin dake watse bisa kan gadon ta jawo ɗaya, tare dayin hugging ɗinsa a ƙirjinta, kanta ta jingina da saman gadon tare da sake sakin wani sabon kuka, sosai shawaran Balkeesu yasamu mazauni acikin zuciyarta, don ta ƙudurta aranta cewa daga yau babu wani wanda zai ƙara bacci cikin daɗin rai acikin gidan, saita ɗaga hankalin kowa, bazata nutsa ba kuwa harsai taga ta samu abunda takeso... Ɓangaren su Saifuddeen kuwa daga gidan su Zaleeha kai tsaye wani babban Cafe dake cikin unguwar federal lowcost suka nufa, wanda ananne suka narka kuɗi don buga musu ƙawataccen katin auren nasu wanda yanzu kwana biyar ne kacal ya rage, koda sukaje tuni suka samu an gama kammala musu komai, nanfa suka amsa, daganan gidansu Ishaq suka wuce, domin kuwa musamman Ummu'n Ishaq taturowa Saifuddeen ɗin saƙon text message akan cewar tayi masa tuwon semovita miyar moringa (zogale) sanin cewa yana matuƙar son miyar, koda sukaje gidansu Ishaq ɗin nan sukaci abinci suka ƙoshi, domin kuwa harda wani irin daddaɗan coconut