Chapter 104

sajensa wanda tayi matuƙar ƙarawa fuskarsa kyau da kwarjini dan yadda ya cika yayi lip-lip a farar fatarshi tayiwa fuskar tasa k'awanya, yana kammalawa, yashafawa kansa wani hair oil me ƙamshi, kekensa ya tura har zuwa gaban tangamemen sif ɗinsa, inda aka jere masa gaba ɗaya kayan sawansa a hawa na ƙasa dana tsakiya wani long jeans black colour ya zaro tare da kai dubansa ɓangaren da t-shirt's ɗinsa ke jere reras, gaba ɗaya kayan sawansa sabine ƙal ƙal, wata white polo shirt ya ciro me kyau, cikin dabara yasanya wandon ajikinsa tare da zura farar t-shirt ɗin ajikinsa, masha Allah sosai yayi kyau yayinda gashin kansa keta faman ƙyalli, rufe sif ɗinnasa yayi tare da sake tura kekensa ya ƙarasa gaban mirror, farfumed ya fesa ajikin kayan nasa tare da ɗaukan wayarsa, tura kekensa yayi ya ƙarasa gaban bedsite carbinate inda anan aka aje masa sallayan yin sallan sa, ɗaukan sallayan yayi tare da shimfuɗawa kasancewar lokacin har ansoma ƙiraye ƙirayen sallan Isha, cikin hikima ya sauƙo daga kan kekennasa tare da zama akan sallayan, azaune ya gabatar da sallan isha'ɗinsa yayinda daga ƙarshe ya haɗa da shafa'i da wuturi, akan ƙafafunsa ya zauna inda yajima yana tasbihi, hannunsa ya sanya ya ɗauko al'ƙur'anin dake aje kan bedsite, ɗaura ƙur'anin yayi akan cinyansa tare da buɗe suratul Ma'idah ahankali cikin nutsuwa yashiga rera karatun yayinda zazzaƙar muryarsa ke ratsa mishi zuciyarshi, aƙalla ya ɗauki wasu mintuna kafun ya kammala karatun addu'a yayi tare da shafawa kana ya rufe Al'Qur'anin, gadonsa yaɗan dafa tare da jawo wellchair ɗinsa ya yunƙura tare da komawa kai ya zauna, laptop ɗinsa ya ɗauka yashiga duba harkan kasuwancin su, daga nanne kuma yashiga duba labaran halin da duniya take ciki. Hayatuddeen ne yaturo ƙofar ɗakin ya shigo bakinsa ɗauke da sallama yayinda hannunsa ke ɗauke da ɗan ƙaramin tray wanda samansa ke ɗauke da yankakkun fruits masu sanyi sai goran ruwa mai sanyi kana d'aya hannunshi rik'e da robar magunguna, ƙarasowa cikin ɗakin yayi tare da duban hamman nasa da gaba ɗaya hankalinsa ke kan laptop ɗinsa, cikin kulawa ya aje tray ɗin akan table d'in glasses dake gaban gadon hamman nasa tare da cewa. "Hamma kasha fruit inji Ummi, ga kuma magungunan ka" ido ya d'an lumshe tare da ƙaɗa kansa alamar to, ɗaukan green apple wanda yake ba'a yanke ba yaɗan gutsura, lumshe idanunsa ya kuma yi tare da soma tauna apple ɗin ahankali, ganin haka yasanya Hayatuddeen sakin murmushi tare da ɗan matsowa kusa da hamman nashi, wayars ƙiran Samsung galaxy S10 ya ciro tare da shiga camera, hannayensa ya sanya akan kafaɗun Hamman nasa ya ɗaukesu hoto selfie wanda dukansu murmushine ɗauke akan fuskarsu, sosai sukayi kyau a hoton bama kamar Saifuddeen, komawa gefe Hayatuddeen yayi inda ya shiga Whatsapp ɗinsa ya ɗaura hoton nasu da sukayi a status ɗinshi. Shikuwa Saifuddeen sosai yasha kayan fruits dan shi yafi ta'ammali da yayan itatuwa fiye da abinci, bare kuma yanzu da likitocin suka umarceshi da yawanta cinsu. Maganinshi ya sha. ya gamawa sauƙa yayi daga kan wellchair ɗin ya kwanta akan lallusan gadonsa wanda yaji tattausan katifa, luf yakwanta tare da ɗaura kansa akan pillow kana yaja blanket ya rufe rabin jikinsa, ganin haka yasanya Hayatuddeen ɗaukan ragowan kayan marmarin yafice daga cikin ɗakin, ganin fitan Hayatuddeen yasanya Saifuddeen yakai hanunsa saman gadonsa inda anan makunnin wutan ɗakin yake ya kashe, bedsite lamb wanda ke bata light blue ɗin haske ya kunna tare da sake gyara kwanciyarsa, wani irin sha'awane yasake taso masa wanda yasanya ya kasa bacci sai juyi yaketayi akan makeken gadonnasa. A hankalin Umminshi ta shigo, taku takeyi a hankali dan ganin alamun yayi bacci, kanshi ta iso tare da zuba mishi ido, sai kuma tayi saurin sunkoyowa kanshi jin ya kamo hannunta, murmushi tayi mishi mai cike da k'aunan gudan jinin nata, sannan tasa hannunta na dama ta shafa kanshi tare da cewa. "Ka gaji da yawa kayi bacci ka huta, ko Babana." kai ya gyad'a mata tare da sumbatar hannunta kana ya maida idanunshi ya lumshe a hankali. Ganin hakan yasa Ummi gyara mishi blanket d'in daya rife iya k'ugunshi sannan ta fita, tare da ja mishi k'ofa. A parlour ta samu Ahmad yanzu ya dawo daga meda Rahma gidanta, Ganin kamar yana buk'atar matarshi ne yasa Ummi cewa Raliya. "Ke Raliya dare yayi ni zanyi bacci tashi ku tafi." cikin gajiya dan yau kusan wuni tayi hidima, mik'ewa tayi kana tabi bayan Ahmad da tuni ya fita cikin jin dad'i. Ita kuwa Ummi ita da Raihana ne sukaci gaba da hirar. Hayatuddeen kuwa yana maida plate ɗin kayan marmarin kitchine direct sama ya haura inda ɗakinsa yake, yana shiga ya faɗa kan gado tare da shiga cikin Whatsapp ɗinsa don yaga anturo masa new messages da yawa, sunan Asma'u Ahmad Matawalle ce a sama tayi masa comment akan hoton nasu daya sanya a status ɗinsa inda tayi rubutu kamar haka. "Tsarki ya tabbata ga Ubangijin talikai da ya halicci Saifuddeen cikin wannan halitta mai d'aukan hankali" murmushi mai kama da dariya Hayatuddeen yayi tare da yi mata reply inda yace. "Kuɗin ganin status yawane dashi ina fatan zaki iya biya?". Itama dariya tayi kana tace "Zan iya bada gaba ɗaya dukiyata indai zanke ganin wannan kyakkyawar fuskar ɗan uwannaka ako da yaushe". Yanzu kam dariya Hayatuddeen yayi sosai yayinda ya rubuta cewa. "Sai kiyi ta addu'a dan samun Hammana sai mai tsananin rabo, dan sai ya zaɓa kuma saiya darje, kuma shi mijin mace d'aya ne d'aya tak" Itama dariya tayi sosai don tasan Alhamdulillahi itama tana da nata kyaun yanda bakowani ɗa namiji bane zai ƙita, haka dai suka ɗan taɓa hira kaɗan da ita duk kuma zancennata akan Saifuddeen ne, don sosai ya tsaya mata arai. Saifuddeen kuwa yasha juyi kafun yasamu da ƙyar bacci ya ɗaukesa, ko acikin baccin nasa kyakkyawan fuskar Zaleeha itace keta zuwar masa, inda yayi bacci cikin wani irin shauƙi. Washegari. Ƙarfe tara tuni yagama shirya kansa inda yayi kyau cikin riga da wandon jeans ɗin dake jikinsa, ahankali yake tafiya da keken nasa harya kawo bakin ƙofar fita daga ɗakin, hannunsa yakai jikin handle ɗin ƙofan ya buɗe, yanzukam da kansa yake tuƙa keken nasa cikin nitsuwa da salonsa na k'in wahala inda ya dumfaro babban falonnasu. Ummi, Hayatuddeen, da kuma Raihana su ya tarar zaune acikin falon,yayinda Raliya ke ta kaikawo tsakanin dinning area da kitchine tana shirya musu breakfast, shigowarsa cikin falon shi yabayyana murmushi akan gaba ɗaya fuskokin ƴan uwan nasa, ƙarasowa tsakiyan falon yayi tare da kai dubansa ga mahaifiyarsa wanda takasa ɗauke idanunta akansa, murmushi zallan ƙaunarsa ne kwance akan fuskarta, murmushin daya bayyana kyawunsa yayi tare dayi mata alaman. "Ina kwana" "Lafiya ƙalau Saifuddeen ya jikin naka?". Ummi tafaɗa cikin kulawa. Da body language yayi mata alaman. "Da sauƙi" nan Raihana ta gaidashi tare da tambayar jikinsa, itama da body language ya amsa mata fuskarsa ɗauke da murmushi tare da mik'o hannu ya shafan kan Affan dake kwance bisa jikin Ummi. Raliya da Hayatuddeen ne suka gaidashi, suɗinma amsa musu yayi cike da ƙaunar ƴan uwannasa. Raliya na gama shirya musu break fast shida kansa ya sarrafa kekensa har zuwa kan dinning table ɗin, kujera ɗaya ya matsar gefe kana ya